今日有個冇戴口罩嘅病人聖誕返咗武漢屋企。佢俾同事叫佢要睇醫生攞健康證明，話佢適合返工。最初佢話自己乜嘢病徵都無。
而家冇人知呢隻病係咩，幾耐先中招，有乜嘢病徵，會唔會人傳人（知都俾人禁住晒啲消息），我不能證明你100%冇感染，能夠安全返工。
最搞笑係問問下，佢先話原來係有傷風感冒，咁怪唔得知你班同事咁驚啦！其實諗住講大話瞞天過海，呃咗我張證明事小，真係社區大爆傳染事大。如果你累到人哋屋企人中招，你過唔過而得去？當然你連口罩都唔帶，我諗你衛生意識都欠佳。駛咪叫董太Reeducate下你？
唉，跟住下一個又係武漢返黎嘅感冒病人。香港真係咁多人去武漢架？我哋依家買緊N95比自己帶。膠層同衛生防護中心差唔多，都係唔想知唔想理。要D病人中好多Criteria先至可以通報比醫管局。我真心希望社區疫情唔好有/唔好爆。
隔離唔關事嘅病人見到我地咁緊張問長問短，竟然同我地講都話呢隻新聞都話唔係沙士，咁咪唔使驚呀？！呢個世界有好多新嘅病，想當年SARS都係新嘢。連隻野都唔知係咩，點同佢打仗？乜你哋又想死好多人咩？
善忘的港豬，你好嗎？
###
唉，俾PatPat你地睇算。
Search